機場外圍 航空核心
距離香港國際機場50公里的將軍澳工業邨，設有一個連機場員工也許未必知道的「隱世」設施，每日守護着航空業的核心 ─ 飛機引擎維修。這座設施所屬的香港航空發動機維修服務有限公司（HAESL）由香港飛機工程與勞斯萊斯（Rolls-Royce）合資擁有，是全港唯一專門維修Rolls-Royce飛機引擎的公司，亦是亞太區兩間得到Rolls-Royce認證的大型引擎維修商之一。
HAESL的維修設施面積龐大，寧靜的環境和機場有着很大的對比。
甫走進HAESL的維修設施，已感受到和機場的環境截然不同 ─ 這裏沒有飛機升降的呼嘯聲、手推行李車的碰撞聲，又或是旅客的喧鬧聲；面積達十多萬平方呎的大修廠房相對寧靜，只偶爾聽到機械運作或員工之間的交談，一時間令人難以想像這是修理飛機引擎的地方。放眼過去，一副又一副飛機引擎整齊有序地排列在左右兩邊，有些已被拆解成部件等待整修。
化整為零 再化零為整
麥德光是HAESL的引擎大修工程師，由19歲入行至今已有25年引擎維修經驗。他指着眼前足足有一層樓高的飛機引擎解釋道：「維修一個咁大嘅引擎，首先要將佢分開成主要嘅組件，然後再細分成零件維修。」一個引擎的組件共有八個，分別為低壓增壓機、中壓增壓機、中段軸承箱、高壓系統、中壓渦輪機、外置齒輪箱、低壓增壓機保護罩及低壓渦輪機；而八件組件可以分拆成超過一萬個部件。
麥德光（左）和同事合力將引擎分拆成主要組件。
「由拆解、清潔、打磨、檢查、測試到再組裝，成個維修過程差唔多要60日。」麥德光說：「有啲（引擎）入嚟係定期維修，亦都有啲係因為組件出現問題，或者係漏油、吸咗啲冰塊入去之類，總之每個引擎都有一個故事。」作為引擎大修工程師，他負責拆解和組裝主要部分，以及最後把關確認簽核，可謂從頭到尾見證着引擎大變身，「經歷咗眾多工序之後，最後去cert （簽核）引擎嗰一刻就好似睇住個病人好番出院咁，係最有成功感嘅。」
工作人員正在安裝引擎扇葉組件。
外勤維修 引擎大國手
麥德光亦是全亞洲極少數擁有孔探打磨（Boroblending）資格的引擎維修工程師。「所謂Boroblending，其實有啲似去醫院做內窺鏡同微創手術咁，探嘴上面有個鏡頭，可以睇清楚引擎入面嘅情況，進行精細嘅打磨。」每年共約有200部引擎在HAESL的廠房進行大修，麥德光除了在廠房工作外，大約每個月都會到機場數次作外勤維修，通常是由於飛機引擎的問題不至於要「入廠」，但亦須即時進行內部維修。「唔使成副引擎拆落嚟，慳番好多時間；有時我都須要去外地出差，喺當地做維修工作。」
麥德光示範使用孔探打磨儀器維修引擎內部。
千錘百煉 金漆招牌
HAESL的另一楝大樓用作處理零件的維修工序，內裏設有多部大型先進維修機器，麥德光說例如電腦數控的五軸鑼床及雷射燒焊機，就是負責鑽孔、切割及焊接等工作。除了大型機器外，亦有不少技術人員利用工具，細心地人手打磨部件。整個樓層亦根據不同工序及部件，劃分為多個部別，分工極之仔細。
其中一部電腦數控的五軸鑼床，外型充滿科技感。
「雖然飛機引擎部件睇起嚟同其他機器冇乜分別，但其實無論係用料或者造價都有好大差別。」麥德光指向旁邊的一組零件說：「呢一組係引擎固定架，你唔好睇佢好似普通一堆鐵咁，其實佢嘅造價同一架遊艇差唔多。」他輕描淡寫地說，實在令人難以置信眼前的組件價值連城。
另一組機器則以鐳射進行燒焊。
「Rolls-Royce廠對每一件零件嘅維修都有極嚴格要求，我哋總共有九個得到Rolls-Royce『金級』頂級認證嘅『優質中心』，係Rolls-Royce維修廠中攞得最多『金級』嘅公司。」麥德光說。每個「優質中心」都只負責維修一個組件，其專門程度可見一斑。他強調：「機場做嘢最緊要係效率，但喺呢度最緊要精細。」
這一組引擎組件，造價相當於一架遊艇。
認真才會贏
20多年前他中學畢業後入行當學徒，但求學到一門專業手藝，回想起當年，他說：「啟德年代，邊度有冷氣廠房咁好呀？大家一開工就第一時間去搵風扇！」時至今日，引擎維修已發展成高科技、自動化的專門行業。總括多年經驗，麥德光說：「呢行最重要始終係細心同有耐性，拆件、維修、組裝，一唔細心就會有錯漏，而且好多時都係重覆做同一種工序，如果怕悶、無耐性就麻煩啦。」說到工作滿足感，他坦言：「我哋做工程嘅好簡單，只要認真cert到一副引擎，證明完成維修可以安全運作，就已經好滿足！」
引擎維修是相當專門的行業，講求精細。
完成維修後，引擎會在引擎測試間內進行測試，確保正常運行。
引擎測試透過多組監察設備採集數據。